بھارتی تاجروں کا پاکستان میں دو بڑی کپڑے کی مارکیٹں تباہ کرنے کا منصوبہ

محمد عمران خان لوہانی
بھارتی شہر سورت کے تاجروں نے پاکستان کو بھارتی کپڑا درآمد کرنے پر پابندی لگا دی اور پاکستانیوں کا کروڑوں روپے پھنس گئے۔ بھارتی تاجروں نے یہ فیصلہ متوقع پاکستان اور بھارت جنگ کے پیش نظر کیا ہے۔بھارتی تاجروں نے دعوی کیا ہے کہ پاکستان کو بھارتی کپڑا جس میں ساڑھی، لہنگا، پولیسٹر فیبرکس اور ڈوپٹے شامل ہیں فوری طور پر روک دیا ہے جس سے لاہور کی اعظم مارکیٹ اور کراچی کی لکھنو مارکیٹ میں کاروبار بند ہونے کا خدشہ ہے۔ انہوں نے مزید دعوی کیا ہے کہ اگر بڑی کاروباری حضرات کا کاروبار بند نہ ہوا تو چھوٹ تاجر جن کا سارا انحصار بھارتی کپڑوں پر ہے ان کا کاروبار مکمل طور پر تباہ ہو جائے گا۔
تاہم پاکستانی تاجروں کا کہنا ہے کہ بھارتی تاجروں کی جانب سے ایسے اقدامات باہمی کاروباری معاہدوں کی خلاف ورزی ہے لیکن اس کے باوجود بھی پاکستان کو اس سے کوئی زیادہ نقصان نہیں ہو گا کیونکہ پاکستان کپڑے پیدا کرنے میں خود انحصار ہے۔