بچوں پر جنسی تشدد کی روک تھام کیلئے خصوصی عدالتوں کے قیام کا مطالبہ
بچوں پر جنسی تشدد کی روک تھام کیلئے خصوصی عدالتوں کے قیام کا مطالبہ
وزیراعظم سے ملاقات میں بچوں سے زیادتی کے واقعات کا سخت نوٹس لینے کی بھی درخواست کی ہے، چیئرپرسن چائلڈ پروٹیکشن بیورو
اسلام آباد (اعتماد نیوز)چیئر پرسن چائلڈ پروٹیکش بیورو سارہ احمد نے وزیراعظم عمران خان سے بچوں پر جنسی تشدد کی روک تھام کیلئے خصوصی عدالتوں کے قیام کا مطالبہ کیا ہے۔چیئر پرسن چائلڈ پروٹیکشن بیورو سارہ احمد نے اپنے بیان میں نے کہا کہ وزیراعظم سے ملاقات میں انہوں نے بچوں پرجنسی تشدد کی روک تھام کے حوالے سے کئے گئے اقدامات سے آگاہ کیا بچوں پرتشدد کے جرم میں ملوث افراد کو قرار واقعی سزا دلوانے کے لئے وزہراعظم سے خصوصی عدالتوں کے قیام کی درخواست کی
۔سارہ احمد نے کہا کہ وزیراعظم سے ملاقات میں بچوں سے زیادتی کے واقعات کا سخت نوٹس لینے کی بھی درخواست کی ہے۔انھوں نے کہا کہ بچوں پر تشدد اور زیادتی کے ملزمان کو آسانی سے ضمانت مل جاتی ہے اور وہ سزا سے بچ جاتے ہیں، متاثرہ خاندان بھی ملزمان سے دباؤ یا پیسوں کی بدولت صلح کر لیتے ہیں۔چیئرپرسن چائلڈ پروٹیکشن بیورو نے کہا کہ متاثرہ خاندانوں کو فوری انصاف کی فراہمی کیلئے خصوصی عدالتوں کا قیام بہت ضروری ہے۔
