Tuesday , December 1 2020

چینی سفیر نونگ رونگ کی شاہ محمود قریشی سے ملاقات ، دوطرفہ تعلقات اور عالمی وبائی صورتحال سمیت باہمی دلچسپی کے امور پر تبادلہ خیال

اعتماد نیوز

اسلام آباد: پاکستان میں چین کے نئے سفیر نونگ رونگ نے وزارتِ خارجہ میں وزیر خارجہ مخدوم شاہ محمود قریشی سے ملاقات کی جس میں دو طرفہ تعلقات ،کرونا عالمی وبائی صورتحال سمیت باہمی دلچسپی کے امور پر تبادلہ خیال کیا گیا ۔ شاہ محمود قریشی نے کہاکہ آپ کو پاکستان آمد اور بطور سفیر منصب سنبھالنے پر مبارکباد دیتا ہوں ۔

انہوں نے کہاکہ آپ جیسے وسیع تجربے کی حامل شخصیت کی پاکستان میں تعیناتی سے اقتصادیات، انفراسٹرکچر سمیت کثیر جہتی شعبہ جات میں دو طرفہ تعاون کو مزید فروغ ملے گا ۔ انہوںنے کہاکہ پاکستان اور چین کے مابین مثالی برادرانہ تعلقات اور لازوال دوستی کو پوری دنیا جانتی ہے ۔

مخدوم شاہ محمود قریشی نے کہاکہ پاکستان اور چین نے ہر مشکل اور کٹھن وقت میں ایک دوسرے کی بھرپور معاونت کی ۔

انہوں نے کہاکہ کرونا عالمی وبائی چیلنج سے نمٹنے کیلئے چین کی جانب سے فراہم کی جانے والی بروقت معاونت قابل تحسین ہے جس پر میں آپ کے توسط سے چینی قیادت کا شکریہ ادا کرتا ہوں ۔حنان(چین) میں چینی وزیر خارجہ وانگ ڑی کے ساتھ ہونیوالی ملاقات کا حوالہ دیتے ہوئے وزیر خارجہ نے کہا کہ دونوں ممالک کی قیادت سی پیک سمیت باہمی دلچسپی کے منصوبوں کو جلد پایہ تکمیل تک پہنچانے کیلئے پرعزم ہے ۔

انہوں نے کہاکہ سی پیک کے دوسرے مرحلے کے تحت جاری تمام منصوبوں کی تیز تر تکمیل کو یقینی بنانے کے لئے اقدامات کیے جا رہے ہیں۔چینی سفیر نونگ رونگ نے وزیر خارجہ کا شکریہ ادا کرتے ہوئے، پاکستان اور چین کے مابین دوطرفہ تعلقات کو مزید مستحکم بنانے کیلئے اپنی تمام تر کاوشیں بروئے کار لانے کا یقین دلایا


About

Leave Comment

Skip to toolbar