Tuesday , October 20 2020

زیور اور سکے نگل جانے والی عورت

بنگال جولائی 25 (اعتماد نیوز)مغربی بنگال میں ایک خاتون کے پیٹ سے اتنے زیور اور سکے نکلے کہ ڈاکٹر بھی حیران رہ گئے۔ ایک ڈاکٹر نے بتایا کہ مغربی بنگال کی بیر بھومی ضلع کے سرکاری اسپتال میں دماغی طور پرغیرمستحکم خاتون کے پیٹ سے ڈیڑھ کلو زیور اور سکے نکالے گئے ہیں۔ رامپورہاٹ کے سرکاری میڈیکل کالج اور اسپتال میں ہیڈ آف سرجری ڈپارٹمینٹ سدھارتھ وشواس نے کہا کہ 26 سال کی خاتون کے پیٹ سے 5 اور 10 روپئے کے 90 سکے نکالے گئے ہیں۔ زیور زیادہ تر تانبے اور پیتل کے بنے تھے لیکن کچھ سونے کے بھی ہیں۔
خاتون کی ماں کے مطابق انہوں نے نوٹس کیا کہ اپنے گھر سے زیور غائب ہورہے تھے لیکن جب ہم پوچھ۔گچھ کرتے تو وہ رونے لگتی۔ ہم اس پر نظر رکھتے تھے مگر کسی طرح وہ ان سب کو نگلنے میں کامیاب ہوجاتی تھی۔ وہ گزشتہ دو ماہ سے ٹھیک نہیں تھی۔ ہم اسے الگ۔الگ نجی ڈاکٹروں کے پاس لے گئے تھے مگر اس پر دوائیوں کا کوئی اثر نہیں ہورہا تھا۔
خاتون کی ماں نے کہا کہ میری بیٹی دماغی طور سے درست نہیں ہے۔ گزشتہ کچھ دنوں سے وہ کھانا کھانے کے بعد الٹی کردیتی تھی۔ اس نے کہا کہ اس کی بیٹی کو اس کے بھائی کی دکان سے سکے ملے ہیں۔


About

Leave Comment

Skip to toolbar